#فضفضة_قلبية.💗

مرة من المرات رحت للكلية على ٨ كذا وكنت الأولى فارغة

ودي أقوم اجيب لي ماء وكسلانه مترددة💔

فجأة بنت كانت موجودة بالمصلى طلعت جابت ماء وجابت لي معه 😢💘

يعني شقد أكون ممتنة له وأنا ضميانه :)

فيه كثير من الناس حولنا وحوالينا أولهم أهلنا، وهم أحق وأولى الناس انا نسعدهم، ونحاول نخليهم ما يحتاجون لأحد غريب بعد الله وحنا موجودين، وفيه ناس غير أهلنا فيهم غربة؛ غربة وطن، غربة روح، غربة وجع، غربة وِحدة، فيه ناس يحسبون ما أحد عنده هم غيرهم، ويحسون ان محد درى عنهم، ولا أحد يحس بهم، كذا يزيد وجعهم زيادة. 💔

تعرفين كيف العينات هذي يسعدون بأبسط شيء تسوينه لهم، يكونون ممتنين لك بشيء لاتستحقين كل هذا الثناء فيه.

ليش حنا بخلاء على أنفسنا؟! بعض الناس إذا قلت له دلع فلان قال أنا ما دلعت نفسي، طيب متى تدلع نفسك موب فاضي، 

أسعد فلان، كيف اسعده وانا ما أسعدت نفسي:"

طيب وش المانع إنك تسعد نفسك، وتسعد اللي حواليك، ومن سعادتهم تنبع سعادتك. 💘

أسعدي اللي حولك بقد ما تقدرين، بأبسط شيء، لا تتكلفين لو بكلمة طيبة لَطيفة، تعبير سهل، إبتسامة، وردة، موية، ترى والله ما يكلفنك شيء :" 💦

خلي لك خبايا بينك وبين ربك، احتسبي كل حاجة:"()

يقول أحدهم : الواحد كل مافقد أحد من أهله تشبث بالبقية، وحاول أنه يسعدهم بكل ما أوتي من قوة. 💔💔💔.

بالعربي اسعدوهم قبل تفقدونهم، اسعدوهم قبل يتوفر عندكم كل شيء إلا هم، اسعدوهم قبل تذوقون مرارة وجع البعد عنهم، اسعدوهم خلوهم يدعون بكم بظهر الغيب، اسعدوهم اسعدوهم بكل ما أوتيتم من قوة. 💙💙💙💙💙